Ingvar Stenström — Jeszenszky Ferenc: Interlingua
POSTSCRIPTO
(Utószó a "Textos" könyvhöz)
Depost le publication del edition original svedese de iste manual in 1972 le ultime alineas del texto del lection 30 ha perdite in parte lor actualitate. Le obras de Moth e de Podolsky non es plus vendita, ma intertanto ha apparite multe altere publicationes.
Cata anno le Servicio de Libros U. M. I. edita nunc un nove catalogo 'Bibliographia de Interlingua'.
Ex le periodicos le 'Revista de Interlingua' ha cessate (a causa del morte de prof. Berger), ma il ha nunc nove periodicos como: 'Heraldo de Interlingua' editate per Thomas Breinstrup e 'Biblia' editate per pastor Paolo Castellina.
Alcun adresses (1987):
Secretario general del UMI: Frank Esterhill, 496 A Hudson Street, G34, New York, NY 10014, U.S.A.
Administration del UMI: Information Interlingua, Juvelvej 25, DK-5210 Odense NV, Danmark.
Servicio de Libros UMI: Zonnegloren 30, 7361 Beekbergen, Nederland.
Le UMI (Union Mundial pro Interlingua)ha representates in varie paises. Le adresses recente vos pote trovar in le 'Currero' o demandar al administration del UMI in Danmark.
POSTFACIO
(Utószó a "Supplemento" könyvhöz)
Depost le publication del edition original svedese de iste obra in 1972 le ultime alineas del texto del lection 30 ha perdite in parte lor actualitate.
Assi le obras de Moth, de Podolsky, e de Sexton non es plus in vendita. Sed in le ultime annos on publicava multe altere libros importante, i. a. Gode: Discussiones de Interlingua, Wilgenhof: Grammatica de Interlingua, e in addition obras con contento variate. Le qui vole obtener informationes plus detaliate re illos, debe solo leger le Bibliographia de Interlingua, editate cata anno per le Servicio de Libros UMI (Union Mundial pro Interlingua). Ex le periodicos le Revista de Interlingua ha cessate (a causa del morte del professor Berger), sed il ha un nove periodico, le Heraldo de Interlingua, editate per Thomas Breinstrup.
Que debe un hungaro facer qui ha apprendite lo que se trova in iste obra e vole continuar su studios de interlingua? Que ille scribe o al representate de UMI in Hungaria o directemente al Information Interlingua. Ille obtenera non solo informationes sed etiam libros e periodicos, inter quadros modeste, gratuitemente. Isto sub duo conditiones: primo, ille debe declarar que illa ha un attitude positive al diffusion de interlingua e, secundo, ille debe demonstrar que ille cognosce le elementos del lingua, presentate in iste libro.
Como legara ille ille libros e periodicos? Un dictionario interlingua-hungara ancora non existe, solmente un vocabulario breve (Rövid interligva nyelvtan és szójegyzék). Sed qui usa Bakos Ferenc: Idegen szavak és kifejezések szótára, le dictionarios del linguas fonte de interlingua e del hungaro (italiano-hungaro, espaniol-hungaro, francese-hungaro, anglese-hungaro), forsan etiam un dictionario latino-hungaro, comprendera sin dubita facilemente le textos in interlingua. E post haber legite alcun centos de paginas, ille discoperira que ille non solo comprende le textos sin dictionario, sed ille pote usar le lingua etiam activemente.
Adresses
Union Mundial pro Interlingua: 496 Hudson Street, G 34, New York, NY 10014, USA
Information Interlingua: Juvelvej 25, DK-5210 Odense NV, Danmark
Representante del UMI in Hungaria: Dr. Jeszenszky Ferenc, Budapest, Orlay u. 4. 1114.
Servicio de Libros UMI: Zonnegloren 30, NL-7361 TL Beekbergen, Nederland
Currero: Beeckzanglaan 84, NL-1942 LT Beverwijk, Nederland
Heraldo de Interlingua: Høje Taastrup Boulevard 49, lejl. 3 DK-2630 Taastrup, Danmark
Octobre 1986
Szójegyzék
| postfacio | utószó | Hungaría | Magyarország | |
| publication | publikálás | representante | képviselő | |
| alinéa | bekezdés | directe | közvetlen | |
| actualitate | időszerűség | quadro | keret | |
| véndita | eladás | gratuite | ingyenes | |
| esser in véndita | kapható | sub | alatt | |
| obtener | kapni | condition | feltétel | |
| detaliate | részletes | declarar | kijelenteni | |
| bibliographía | bibliográfia | attitude | attitűd | |
| editar | kiadni | positive | pozitív | |
| cessar | megszűnni | elemento | elem | |
| heraldo | hírnök | fonte | forrás | |
| húngare | magyar | página | oldal | |
| húngaro | magyar | active | aktív |